Dharti Dhora Ri लिरिक्स धरती धोरा री लिरिक्स

धरती धोरा री लिरिक्स



Pradeep Chawla on 12-05-2019

धरती धोरां री,



आ तो सुरगां नै सरमावै,

ईं पर देव रमण नै आवै,

ईं रो जस नर नारी गावै,

धरती धोरां री



सूरज कण कण नै चमकावै,

चन्दो इमरत रस बरसावै,

तारा निछरावळ कर ज्यावै,

धरती धोरां री





काळा बादळिया घहरावै,

बिरखा घूघरिया घमकावै,

बिजळी डरती ओला खावै,

धरती धोरां री



लुळ लुळ बाजरियो लैरावै,

मकी झालो दे’र बुलावै,

कुदरत दोन्यूं हाथ लुटावै,

धरती धोरां री



पंछी मंधरा मधरा बोलै,

मिसरी मीठै सुर स्यूं घोळै,

झीणूं बायरियो पंपोळै,

धरती धोरां री



नारा नागौरी हिद ताता,

मदुआ ऊंट अणूंता खाथा

ईं रै घोड़ा री के बातां ?

धरती धोरां री



ई रा फळ फुलड़ा मन भावण,

ईं रै धीणो आंगण आंगण,

बाजै सगळां स्यूं बड़ भागण,

धरती धोरां री



ईं री चितौड़ो गढ़ लूंठो,

ओ तो रण वीरां रा खूंटो,

ईं रो जोधाणूं नौ कूंटो,

धरती धोरां री



आबू आभै रै परवाणैं,

लूणी गंगाजी ही जाणै,

ऊभो जयसलमेर सिंवाणै,

धरती धोरां री



ईं रो बीकाणूं गरबीलो,

ईं रो अलवर जबर हठीलो,

ईं रो अजयमेर भड़कीलो,

धरती धोरा री



जैपर नगरयां में पटराणी,

कोटा बूंदी कद अणजणी ?

चम्बल कैवै आं री का’णी,

धरती धोरां री



कोनी नांव भरतपुर छोटो,

घूम्यो सूरजमल रो घोटो,

खाई मात फिरंगी मोटो,

धरती धोरां री



ईं स्यूं नहीं माळयो न्यारो,

मोबी हरियाणो है प्यारो,

मिलतो तीन्यां रो उणियारो,

धरती धोरां री



ईंडर पालनपूर है ई रा,

सागी जामण जाया बीरा,

अै तो टुकड़ा मरू रै जी रा,

धरती धोरां री



सोरठ बंध्यो सारेठां लारै,

भेळप ंिसध आप हंकारै

मूमल बिसर्यो हेत चितारै,

धरती धोरां री







ईं पर तनड़ो मनड़ो वारां,

ईं पर जीवण प्राण उंवारां,

ईं री धजा उड़ै गिगनारां,

मायड़ कोड़ां री



ईं नै मोत्यां थाळ बधावां,

ईं री धूळ लिलाड़ लगावां,

ई रो मोटो भाग सरावां,

धरती धोरां री



ईं रै सत रीे आण निभावां,

ईं रै पत नै नही लजावां,

ईं नै माथो भेंट चढ़ावां,

मायड़ कोड़ां री,

धरती धोरां री




सम्बन्धित प्रश्न



Comments



नीचे दिए गए विषय पर सवाल जवाब के लिए टॉपिक के लिंक पर क्लिक करें Culture Current affairs International Relations Security and Defence Social Issues English Antonyms English Language English Related Words English Vocabulary Ethics and Values Geography Geography - india Geography -physical Geography-world River Gk GK in Hindi (Samanya Gyan) Hindi language History History - ancient History - medieval History - modern History-world Age Aptitude- Ratio Aptitude-hindi Aptitude-Number System Aptitude-speed and distance Aptitude-Time and works Area Art and Culture Average Decimal Geometry Interest L.C.M.and H.C.F Mixture Number systems Partnership Percentage Pipe and Tanki Profit and loss Ratio Series Simplification Time and distance Train Trigonometry Volume Work and time Biology Chemistry Science Science and Technology Chattishgarh Delhi Gujarat Haryana Jharkhand Jharkhand GK Madhya Pradesh Maharashtra Rajasthan States Uttar Pradesh Uttarakhand Bihar Computer Knowledge Economy Indian culture Physics Polity

Labels: , , , , ,
अपना सवाल पूछेंं या जवाब दें।






Register to Comment